AMERIKA KALICI KOMPETI

Amerika Kalici Kompeti es un internatio veli navi kompeti.

Sixa membra de New York Kompeti Navi Kluba pa paga te tekto u tako bi-pali navi America in 1850. America pa es 30 metra longi e habe u fo lepto ante. U-ci pa muta plu skema de talo navi.

Amerika Kalici Kompeti proto in meno 8, 1851, kron Regi Kompeti Navi Esqadra de Great Britain kompeti 14 navi kon America peri Insula de Wight (Wait). America gene vikto. In 1857 un argenti kalici gene dona a New York Kompeti Navi Kluba. U-ci vikto ra nu habe u nima Amerika Kalici.

Plu-la bi-pali pa gene versi per mo-pali navi. A 1983 Amerika pe pa tena mu kalici 25 kron. Anti-co in u-la anua Australia II pa gene u vikto supra u ge-Uni-Stato navi Liberty (Libe), qi es u proto vikto per non-Amerika navi tem kompeti histori. In 1987 u navi Stars and Stripes (Astro e Stria) gene u vikto supra u navi Kookaburra III (Dacelo Noveguine III) e re gene u kalici pro plu ge-Uni Stato. In 1995 u navi Mighty Mary (Dina Mary) es u proto navi ko maxi-mero-gina grega. Plus in u-la anua, Kako Magika (Black Magic) de New Zealand pa gene u vikto kalici.